दुबई : चॅम्पियन्स ट्रॉफीचा अंतिम सामना भारत आणि न्यूझीलंड (IND vs NZ) यांच्यात दुबई इंटरनॅशनल स्टेडियमवर खेळला गेला. संपूर्ण देशभरात या सामन्याबद्दल प्रचंड उत्साहाचं वातावरण होतं आणि अखेर भारतीय संघाने जबरदस्त कामगिरी करत चॅम्पियन्स ट्रॉफी आपल्या नावावर केली आहे! भारतानं न्यूझीलंडवर ऐतिहासिक विजय मिळवत ट्रॉफीवर कब्जा केला आणि देशभरात जल्लोष सुरू झाला आहे.
घटस्फोटाच्या चर्चांमध्ये चहल पुन्हा चर्चेत!
मात्र, या विजयानंतर देखील एका गोष्टीची चर्चा सोशल मीडियावर तुफान पाहायला मिळाली. सामना सुरू असताना भारतीय क्रिकेटपटू युजवेंद्र चहलचा एक फोटो सोशल मीडियावर प्रचंड व्हायरल झाला. या फोटोमध्ये चहल एका तरुणीसोबत बसून सामना पाहताना दिसतोय. त्यामुळे अनेक तर्कवितर्क लावले जात आहेत.
कोण आहे ही मुलगी?
चहलसोबत दिसलेली ही तरुणी म्हणजे आरजे माहवाश (RJ Mahwash). माहवाश ही एक प्रसिद्ध सोशल मीडिया इन्फ्लुएंसर, यूट्यूबर आणि रेडिओ जॉकी आहे. यापूर्वीही ती चहलसोबत वेगवेगळ्या कार्यक्रमांमध्ये दिसली आहे. त्यांच्या मैत्रीविषयी अनेक चर्चा याआधीही रंगल्या होत्या.
सोशल मीडियावर स्पष्टीकरण!
मात्र, आरजे माहवाशने याआधीच सोशल मीडियावर स्पष्ट केलं होतं की, त्या दोघांमध्ये फक्त मैत्रीचं नातं आहे. “हे सगळं केवळ अफवा आहेत,” असं तिनं आधीच सांगितलं होतं. तरीदेखील त्यांच्या एकत्रित उपस्थितीमुळे पुन्हा एकदा चर्चांना उधाण आलं आहे.
भारताचा ऐतिहासिक विजय!
या सर्व चर्चांमध्ये खरी आनंदाची गोष्ट म्हणजे भारतीय संघाने आपल्या शानदार कामगिरीने चॅम्पियन्स ट्रॉफी जिंकली आहे. कर्णधार रोहित शर्माच्या नेतृत्वाखाली टीम इंडियाने न्यूझीलंडला पराभूत करत ट्रॉफीवर आपलं नाव कोरलं आहे. देशभरात विजयाचं मोठं सेलिब्रेशन सुरू आहे आणि टीम इंडियावर अभिनंदनाचा वर्षाव होत आहे!